“Do vijojmë pa ndalur për vaksinimin e gjysmë milioni qytetarëve brenda majit, që mund edhe ta tejkalojmë”.
Ai premtoi se përmes vaksinimit do të arrijë të lehtësojë sezonin turistik:“Ne jemi futur në vaksinim masiv dhe sdo ndalemi. Ambicia e madhe për ta lehtësuar sezonin turistik tani nuk është një dëshirë e madhe por është një objektiv i arritshëm dhe ne do ta arrijmë”.
Në vend ka nisur vaksinimi masiv i popullatës mbi moshën 70 vjeç me vaksinë kineze Sinovac dhe ruse Sputnik V. Ndërsa vazhdon vaksinimi i mjekëve dhe pedagogëve me vaksinën e Pfizerit dhe AstraZeneca. Deri më tani sipas të dhënave të qeverisë, në vend janë vaksinuar më shumë se 100 mijë banorë.
