Rama përkujton Migjenin dhe Nënë Terezën

Kryeministri Edi Rama ka kujtuar të mërkurën ditëlindjen e Nënë Terezës dhe vdekjen e Migjenit. Në një postim në Facebook, Rama shkruan se secili prej tyre ka pasur rolin e tij për Shqipërinë dhe njerëzimin:

"Nënë Tereza jetoi gjatë, si një lutje pëshpëritëse, Migjeni pak, si një bubullimë buçitëse."

Më pas kryeministri Rama e quan të paharrueshme punën e Nënë Terezës dhe Migjenit:

“Ishin të dy shqiptarë, por Shqipëria ishte shumë e vogël për ta, atdheu i saj u bë bota ndërsa atdheu i tij poezia. Njëra besonte në një e në të vetmin Zot që e kërkonte lart në qiell, tjetri hahej me Zotat që i shihte nga lart poshtë”.

Rama shprehet se Nënë Tereza po 'vazhdon të sajën si shenjtore nga lartësia e qiellit,' ndërsa Migjeni 'vazhdon me të vetën si zëri i të resë nga thellësia e tokës'. Shpërndaje te miqtë