Rama kujton Teodor Kekon: I papërsëritshëm e i paharrueshëm

Kryeministri Edi Rama ka kujtuar të shtunën Teodor Kekon, me rastin e 18 vjetorit të ndarjes nga jeta. Rama e quan Kekon një figurë të “papërsëritshme e të paharrueshme në llojin e vet”.

“Teodor Keko i la letrave shqipe […] ca xhevahirë që të marrin frymën me bukurinë e tyre. Politikës i la [..] disa manifestime mbresëlënëse të një vëzhguesi të esëllt të jetës publike. Të gjithë atyre që e njohën u la kujtimin e pashlyeshëm të një njeriu të parobërueshëm brenda asnjë kornize, që e konsumoi jetën me një shpejtësi e furi të pandalshme, si një shishe të pirë me fund”, shkruan Rama në një postim në Facebook.

Teodor Keko u nda nga jeta në moshën 44 vjeçare, pas një sëmundje të rëndë.