Kryeministri Edi Rama vizitoi të dielën në mëngjes pikat e vaksinimit të ngritura në Sheshin “Skenderbej”, për vaksinimin masiv të qytetarëve mbi moshën 70 vjeç. 500 mijë qytetarë, u shpreh Rama, do të vaksinohen brenda muajit maj.
“Kemi siguruar sasi të konsiderueshme dhe vijojmë punë për të siguruar të gjithë sasitë e nevojshme dhe shpresoj shumë që ky sezon turistik do të jetë shumë i lehtësuar. Kemi bindjen që deri në pranverën e ardhshme do të jetë e vaksinuar e gjithë popullata”, u shpreh Rama.
Rreth 800 të moshuar mbi 70 vjeç do të vaksinohen të dielën në Tiranë, me vaksinën kineze Sinovac.
Të enjten në Shqipëri mbërriten 192 mijë vaksinat e para kineze. Ndërsa, Rama njoftoi se ka mbyllur një marrëveshje me një kompani turke për furnizimin me 1 milionë doza të vaksinës Sinovac.
Vaksina kineze ka vetëm një dozë. Sipas studimeve ajo ofron 50% mbrojtje ndaj virusit. Ndër vendet që po e përdorin janë Turqia dhe Serbia.
Shpërndaje te miqtë
