PD sqaron propozimet teknike kundër krimeve zgjedhore, hesht për qeverinë kujdestare

Përfaqësueset e PD-së Oerd Bylykbashi, Enkeljed Alibeaj dhe Ivi Kaso bënë sot para mediave disa sqarime në lidhje me propozimet e djeshme të PD-së në Këshillin Politik, për të parandaluar krimet zgjedhore si dhënie fund të pandëshkueshmërisë së krimit zgjedhor. Ata shpjeguan rëndësinë e masave të propozura, në veçanti hetimin dhe gjykimin e krimeve zgjedhore, si shitblerja e votës, presioni ndaj zgjedhësve nga SPAK dhe Gjykata Speciale; vëzhgimin dhe identifikimin gjatë fushatës zgjedhore të përpjekjeve për shitblerjen e votës; përdorimin e kamerave për vëzhgimin e procesit zgjedhor, etj Zoti Bylykbashi theksoi se këto propozime janë në përputhje me rekomandimet e OSBE-ODIHR-it. Përfaqësuesit e PD-së nuk përmendën kërkesën për qeveri kujdestare të përfshirë në propozimet e djeshme në Këshillin Politik nga PD dhe të bërë publike në media, duke vazhduar kështu qasjen sekretive të PD-së për këtë çështje. Megjithatë, Zoti Bylykbashi i ka paraprirë propozimit të pritshëm duke ritheksuar tezën se qendrimet e PD-së janë parimore, të mbështetura mbi standarde ndërkombëtare. Ai ka përsëritur kërkesën e PD-së për zbatimin e një parimi të një dokumenti të KSBE-së, të vitit 1990, në përfundim të Luftës së Ftohtë, për të cilin kemi shkruar këtu, duke pohuar:

“Masat që ne parashikojmë janë masa që kërkojnë mbi të gjitha respetimikn e parimit themelor që ka OSBE: garantimi i fushëlojës së barabartë për të gjithë aktorët zgjedhor, një parim i cili është i konsakruar në paragrafin 5.4 të Dokumentit të Kopenhagenit të OSBE-së dhe që ka për qëllim shkëputjen e shtetit nga politika, qenien e shtetit një organizëm neutral i cili funksionon në interes të publikut, të zgjedhesve, dhe jo në favor të një partie që garon për të rrëmbyer pushtetin.”

Më tej, Bylykbashi Ivi Kaso dhe ish-deputeti Alibeaj sqaruan disa prej ndryshimeve që opozita e bashkuar bën për të goditur dhe parandaluar krimet zgjedhore duke rritur rolin e organeve ligjzbatuese, prokurorisë së shtetit, policisë  gjyqësore etj. Disa prej ndryshimeve kryesore që PD bëri publike sot janë:

-Futja e krimeve zgjedhore si shit-blerja e votës, ushtrimi i presionit për votën ejt, në juridiksionin e Prokurorisë Speciale Anti-Korrupsion SPAK dhe gjykatës special;

-Policia e shtetit, prokuroria, policia gjyqësore do të jetë e ngarkuar që në momentin që caktohet data e zgjedhjeve  që të kryesjë veprime parandaluese, analiza rrisku, të vëzhgojë cilat janë familjet e varfra, lëvizjet monetare etj për të parandaluar shit-blerjen e votës;

- Agjencitë ligjzbatuese duhet të mbrojnë votën duke zbatuar ligjin. Polici nuk duhet të heqë kapelen dhe të vihet në shërbim të partive;

-Shkelja e detyrimeve ligjore prej institucioneve zgjedhore duhet të çojë në pavlefshëmri të zgjedhjeve;

- Në qendrat e votimit të vendosen kamerat që të vëzhgojnë çfarë ndodh në qendrën e votimit, si një hapësirë e shenjtë për mbarëvajtjen e zgjedhjeve;

-Policia dhe prokuroria që në momentin që caktohet data e zgjedhjeve të marrin masa për të ngritur  task-forca të posaçme për të vëzhguar krimin zgjedhor në terren'

-Partitë politike të deklarojnë anëtarët e stafit zgjedhor në kuadër të procesit të dekriminalizimit.