Hoti, arrestimet e Dhomave të Specializuara veprime të pavarura të drejtësisë

Kryeministri i Kosovës Avdyllah Hoti i mbështeti arrestimet e kryera nga Dhomat e Specializuara. Në një postim në Facebook, Hoti tha se “veprimet e Dhomave të Specializuara burojnë nga detyrimet dhe përgjegjësitë e tyre ligjore dhe kushtetuese, dhe duhet konsideruar si veprime të pavarura të drejtësisë”. Gjithashtu ai tha se “qeveria e Republikës së Kosovës e njeh si të pa tjetërsueshëm qëllimin e pastër e të shenjtë të popullit të Kosovës në luftën për liri”. Hoti shprehu mbështetjen e qeverisë së Kosovës për drejtësinë, duke bërë thirrje për respektimin e saj:

“Qeveria e Republikës së Kosovës beson se drejtësia është mbi të gjitha, dhe se duhet respektuar plotësisht”.

Reagimi i qeverisë së Kosovës vjen pasi Prokurori Special arrestoi dy nënkryetarët e Organizatës së Veteranëvë të UÇK-së, me akuzën e frikësimi të dëshmitarëve përmes publikimit të emrave dge adresa të tyre në tre konferenca për shtyp.