Ambjentet e një garazhdi, poshtë një pallati në zonën e Freskut në Tiranë, janë përfshirë nga flakët në orët e para të mëngjesit.
Ngjarja ka ndodhur në rrugën “Fadil Deliu” rreth orës 7:30.
Siç raporton Report TV, zjarri ka përfshirë një automjet të parkuar në garazhd ndërsa tymi është përhapur në katet e para të pallatit.
Për të shmangur incidentet e mundshme, forcat zjarrëfikse kanë evakuuar banorët e pallatit dhe kanë shuar flakët.
Situata është drejt normalizimit ndërkohë që pritet të zbardhet shkaku i zjarrit që përfshiu automjetin e parkuar në garazhd.
