Kryetari i PD-së, Lulzim Basha premtoi se do të mbështesë financiarisht "çdo të ri shqiptar që kthehet të punojë e të jetojë në Shqipëri", si një ndër masat për ndalimin e emigracionit tek të rinjtë.
Përmes një reagimi në Facebook, ndaj deklaratave të kryeministrit Rama se nuk e ndal dot emigracionin, Basha u shpreh se
PD përmes “taksa më të ulëta, thithjes së investimeve të huaja, mbështetjes financiare për çdo të ri shqiptar që kthehet të punojë e të jetojë në Shqipëri, krijimin e vendeve të reja të punës dhe mbeshtetje e stimulim te sipërmarrjeve të të rinjve” do të ndalojë fenomenin e emigracionit.
Ai u shpreh se keqqeverisja e Ramës këto 8 vjet ka shkaktuar shifra rekord të emigracionit.
Kryeministri u shpreh sot nga Vlora se nuk e ndal dot emigracionin. "Nuk është fundi i botës, shqiptarët i ka mbajtur në kafaz vetëm Enver Hoxha”, u shpreh Rama.
Shpërndaje te miqtë
