Maqedonia e Veriut ka regjistruar 24 orët e fundit 20 viktima dhe 1 031 të infektuar të rinj me COVID-19.
Kjo është shifra më e lartë e infektimeve brenda një ditë, që nga dhjetori i vitit të kaluar.
Mosha e viktimave llogaritet mes 50 dhe 93 vjeç.
Numri më i madh i të infektuarve është regjistruar në Shkup, 492 raste nga testimi i 4 373 mostrave.
Ministria e Shëndetësisë së Maqedonisë së Veriut ka njoftuar për rritjen e numrit të personave të shtruar në spitale.
Gjithsej 55 pacientë me komplikime të COVID-19 janë shtruar në spitalet e Shkupit në 24 orët e fundit. Ndërkohë, numri i pacientëve po trajtohen aktualisht në Qendrën Klinike Universitare të Shkupit është 406.
Që nga fillimi i pandemisë, në Maqedoninë e Veriut janë diagnostikuar 112 107 persona, prej të cilëve 3 300 kanë humbur jetën.
Në total numri i personave që janë shëruar është 97 166.
Mbeten ende 11 641 raste aktive me koronavirus.
Ministria e Shëndetësisë nuk kanë ende të dhënakonkrete se kur Maqedonia e Veriut do të marrë dërgesën të re të vaksinave.
Më parë ministri i Shëndetësisë, Venko Filipçe kishte paralajmëruar se deri në fund të këtij muaji do të mbërrijnë 20.000 doza të vaksinës së kompanisë Pfizer dhe 25.000 të tjera të AstraZenecas.
Maqedonia e Veriut deri më tani ka pranuar rreth tetëmijë doza Pfizer si donacion nga Serbia, të cilat janë përdorur për vaksinimin e personelit shëndetësor.
Tremijë doza të tjera të prodhuesit kinez Sinopharm po përdoren për të vaksinuar të moshuarit dhe të sëmurët kronikë.
Shpërndaje te miqtë
