15 të infektuar dhe 2 viktima në 24 orë, shkon në 104 totali i të prekurve

15 persona të rinj u me Covid-19 u raportuan të hënën pasdite, duke e çuar numrin total në 104. Në 24 orët e fundit humbën jetën 2 persona: një 43-vjeçar nga Kavaja pa sëmundje të tjera por mbipeshë dhe një 71-vjeçar nga Kuçova me disa sëmundje bashkëshoqëruese. Një 61-vjeçar nga Tirana është në vdekje klinike dhe mbahet në jetë me aparatura. Në informimin e përditshëm, të hënën pasdite, Shefja e Sëmundjeve Infektive në ISHP Silva Bino informoi se harta e personave të prekurit u shtri gjatë 24 orëve të fundit në Vlorë e Shkodër. Në 24 orët e fundit janë testuar 45 persona të dyshuar, ndërsa në total janë testuar 856 persona, ku:

 - 104 raste janë të prekur nga koronavirusi,

 - 5 janë shëruar,

 - 4 kanë vdekur,

 - 49 persona janë të shtruar në spital,

 - 3 prej tyre janë në terapi intensive.

Pjesa tjetër e pacientëve është e vetëkarantinuar në shtëpi. Përhapja e koronavirusit është sipas këtyre zonave: — Në Tiranë: 68 persona; — Në Durrës: 7 persona, përfshi një të moshuar që ndërroi jetë; — Në Fier:  12 persona, një prej të cilëve ndërroi jetë; — Në Lushnje: 2 persona; një prej të cilëve ndërroi jetë; — Në Elbasan:  2 persona; — Në Rrogozhinë:  2 persona; — Në Kavajë:  3 persona, një prej të cilëve ndërroi jetë; — Në Korçë: 3 persona; —Në Vlorë: 4 persona; — Në Shkodër: 1 person. Deri tani, të gjithë personat e prekur kanë pasur kontakte me pacientët e mëparshëm ose kanë pasur histori udhëtimi në Itali.